Vėsus muokontius žemaitėškā rašītė ėr kūrībingus Skouda rajuona savėvaldībės R. Granauskė vėišuoji bėbliuoteka kvėit dalīvautė tradicėniamė konkursė, katras vadėnas „Koram žemaitėškā“.
Vėsuokė žanra vėsuoms žemaitiu kalbuos patarmiems parašītu kūrėniū lauksem beveik posė metu – lig gegožė 31-uos dėinuos jimtėnā. Truopnesnė inpormacėjė ėr rēkalavėmā ėšdiestītė konkursa nuostatūs. Vo anus rēk žėnuotė ne tik dalīvaujėntėms tamė konkursė pėrma karta – īr šės tas naujė.
Dalīviu omžios nerėbuojems – gal dalīvautė vėsė no pat maža lig žėla plauka solaukosė. Vo dalīvautė konkursė tėkrā apsėmuok – būs ne tik krietniū prizu, bet ėr siurprizu.
Konkursa „Koram žemaitėškā“ nuostatā
